講氣勢，論陣容，大坑火龍都算係香港民間自發性題一項盛事，今年已經係135屆啦；
小弟次次去到都撞到唔小居港外國人專程去欣賞；
呢條火龍又真係好值得睇，有動感又唔會交行課，更有地道文化意義；
近年香港又無啦啦流行起攝影呢家野，單反、無反、手機、i pad乜都出齊，
唔夠人高呀，帶埋摺梯去；
你用兩層高呀，佢地咪帶夠六層去，問你怕未；( 睇下幾時有大鑊野發生，唔好話我黑心 )
嘈交又係年年有，個個都想企最前，又唔肯早去霸定位，邊有遲黎先上岸架；( 聽聞最早果D人中午12點已去搵定靚位架 )
廢話講完，地片...
今年就最攪野，果份生果日報無啦啦出左個標題話「百年第一女鼓手」，重係幾靚女架，攪到無去開既龍友都仆到去影，真係 X#@%Y*%#@*& 佢呀；
大佬，個女鼓手打左好多年啦，以前次次都係佢打頭陣出場，而且唔係得佢一個女鼓手，係有四五個女鼓手架，你辦報都要查下事實，唔係一未靠吹靠老作架；
呢單野攪到上報個女鼓手都好低調去打；
今年我都影佢唔到，比舊年影到既比大家睇睇啦；
後記：
今年我都係同舊年一樣，同人嘈左兩鑊；年紀大啦，有時真係覺得自己要收歛下！
